Amurrioko Begibistan jaialdiak lanak bidaltzeko epea zabaldu da

Film laburrak eta dagokion dokumentazioa jaialdiaren egoitzara igorri beharko dira martxoaren 19a baino lehen.

Amurrioko IV. Euskal Zinemaren Astea "Begibistan" maiatzaren 26tik 29ra bitartean egingo da. Izena emateko epea martxoaren 19an itxiko da eta antolakuntzak proiekturen bat ez onartzeko eskubidea du, baldin eta egileek epea itxi aurretik eskatutako dokumentazio guztia bidaltzen ez badute.

Aurtengo berritasuna "Infobistan" izeneko sail informatiboa izango da. Sail berri hori sail ofizialean sartu ezin diren proiektuei aukera bat emateko helburuarekin sortu da. Gainerakoan, "Ofibistan" sail ofizialean 12 eta 14 film labur bitartean aukeratuko dira.

Sariak Begibistan jaialdiko sail ofizialean lehiatuko diren film laburrek 300 euroko dirusaria jasoko dute. Halaber, Begibistan Txapela jasoko dute sail ofizialeko film labur onenak, euskal zuzendari onenak, gizonezko euskal aktore onenak, emakumezko euskal aktore onenak, euskal gidoilari onenak eta euskal argazkilaritza zuzendari onenak. Publikoak ere sail ofizialeko film labur onena aukeratuko du. Puntu gehien jasotzen dituenak Begibistan Txapela bat jasoko du. "Infobistan" sail informatiboan publikoak aukeratuko ditu bi irabazleak. Bakoitzak 300 euroko dirusaria eta Begibistan Txapela jasoko du. Azkenik, "Ofibistan" edo "Infobistan" sailetan lehiatuko diren euskarazko film laburren artean euskarazko film labur onena aukeratuko du epaimahaiak. Azken horrentzat ere Begibistan Txapela izango da saria.

Informazio gehiagorako bisitatu Begibistan jaialdiaren webgunea edo bidali e-mail bat.

Lisboan ikusgai izango da Asier Mendizabalen obra

Artista ordiziarraren 19 lan jarriko dituzte 1999tik iaz arte egindakoak.

Asier Mendizabal (Ordizia, 1973) artistaren obra ikusgai izango da Lisboan larunbatetik aurrera, zehazki, Portugalgo Caixa General de Depositos kutxaren Culturgest fundazioaren egoitzan. 1999tik iaz arte egindako 19 lan eramango ditu Mendizabalek Lisboara, hots, hamarkada oso baten emaitza. Oro har, politika eta artearen arteko lotura aztertu du Mendizabalek lan horietan, bereziki, punk-rock mugimendutik eta ezkerreko aktibismotik abiatuta.

Bartzelonako Arte Garaikideko Musoean ere izan zuen antzeko erakusketa.

Euskal kulturaren gainbehera (3.ataza)

Bideo hau, euskal kulturaren gainbehera, irakaskuntzaz dihardu. 3 minutuko lana da.

Espero dut zuen gustuko izatea. Komentatu mesedez. Mila esker !!

Nabarralde (audio presentazioa)

Nafarroaren inguruan bisitatzeko politak diren lurraldeen audio presentazioa dugu hau. Honako aurkezpen honetan Iruña hiriburuaz aparte, honako herrialde hauek ere aurkezten dira: Estella, Roncal, Abarzuza, Artajona, (Ujué) Uxue eta Olite.

Espero dut zuen gustukoa izatea audio presentazio hau eta komentatu mesedez ondo dagoen ala ez jakiteko. Mila esker!!

Pirateria = Sida

2009ko abenduaren 11an, Zientzia eta teknologia fakultatean dagoen paraninfora joan ginen, pirateria gaur egun duen egoerari buruzko hiltzaldi bat entzutera, David Bravo abokatuaren eskutik.

Oso hitzaldi interesgarria iruditu zitzaidan, ez oso pisutsua eta aspergarria, azken batean, abokatuak kutsu ironiko eta umoretsuak erabili izan zituelako, konfiantza hartzen zuen heinean. Orokorrean hitzaldi oso interesgarria gai honi dagokionez; pirateriari aurre egiteko sortu diren legeak zeintzuk izan diren eman zituelako. Oso sinesgarria iruditu zitzaidan pirateriaren inguruan esandakoa. Izan daiteke, abokatua delako eta horrek nolabaiteko sinesgarritasuna ematen digulako gauzak sinesteko edo ez, eta horiek indartzeko, adibideak eman zituelako: epaiketa batean jamendo web orrialdeari buruzko izan ziren eztabaidak, umeak pirateriari buruzko antzerki baten bideoa, "capitan copyright"...

Hitzaldi honetan aipagarriena iruditu zitzaidana berak eginiko konparaketa hauek izan ziren:

Descargar musica =robar un banco
Internet = Tsunami
Grabar cedes = terrorismo
Ver una peli = lucrarse

Erdara harturik maisu

Bustidura edo palatalizazio horiek oso zabalduta daude, Bizkaian eta Gipuzkoan batez ere, baina badirudi gaurko gazteentzat oso zaila dela -ll- ahoskatzea. Aspaldi honetan, ill ahoskatu izateagatik, euskaraz arrotza den yeismoa zabaltzen ari da: mutiya, iyargia, iyun, langiye, dabiyela, zebiyen, oso zaya da, (bizkaitarrok saia entzunez gero, putrea ere uler dezakegu), bigarren mayan,... (bigarren mailan dagoela dioenak, zer esan nahi du? bigarren mahaian edo bigarren mailan?).

Egia da Gipuzkoan eta Bizkaiko leku askotako hizkeretan, batez ere, bustidurak automatikoak dira, baina Arratian, Galdakaon, Larrabetzun, Zeberion, Lezaman eta inguru horietan guztietan, -in eta -il kasuetan, ia ez da bustidurarik agertzen: (h)aginetako mine, arinago, mutile, makile, okile, ilun, katilu...

Zergatik ez irakatsi umeei, irakurtzen hasten direnean, idazten den bezala irakurtzen? Haurrei irakurketa erraztu egingo genieke eta hori ere oso ahoskera jatorra da, Lapurdin eta Nafarroako zenbait lekutan ere, Bizkaiko mendebaldekoon eran, mutila, makila, mila, langileak... esaten baitute.

Kontua da, yeismoa zabaldu denetik, hau da, y grekoaren moduan ahoskatzea euskeraz bere barra-barra hedatu dela. Txarto esandako berbak dira, ez euskera batuaren akatsa, baina joera erderaren bideetara egitea da. Gainera, yeismoa ekiditea kazetariek bultzatu behar duten eta atxeki behar dioten zeregin edo joera da.

Facebook bidezko aragazkilaritza lehiaketa antolatu du Guggenheimek

Fran Lloyd Wright arkitektoaren erakusketaren baitan dago lehiaketa eta izena emateko epea 2010eko urtarrilaren 31an amaitzen da.

Bilboko Guggenheim museoak "Arkitektura eta ingurunea" argazkilaritza lehiaketa jarri du martxan Facebook sare sozialean duen orrian. Fran Lloyd Wright arkitekto amerikarraren erakusketaren harira jarri dute martxan.

Museoak agiri batean jakinarazi duenez, lanak jasotzeko epea 2010eko urtarrilaren 31ean amaitzen da.

Nazioarteko lehiaketa da eta Samsungen laguntza du. Eraikuntza, eraikin eta elementu arkitektonikoak pasaietako integrazioan barneratzea argazkien bitartez, Wrightek egin bezala, da helburua.

Argakilari zaletuak zein profesionalek parte har dezakete. Horretarako Guggemheimen Facebook taldera igo behar dira argazkiak, esan bezala, pasaia eta arkitektura uztartuz. Reflex kamarak, kamara digitalak eta mugikorrak erabili daitezke.

Azaroaren 23tik aurrera, astelehen oro, Fran Lloyd Wrighten micrositean eta Facebook taldean, astero argazkia aukeratuko dute.