50eko hamarkada, Oteizaren ikuspuntutik

'Oteizaren itzala 50 urteetako espainiar artean' izeneko erakusketa inauguratu dute Oteiza Museoan. Garaiko artistekin izan zuen "erlazioa eta norgehiagoka" dago aztergai.

'Oteizaren itzala 50 urteetako espainiar artean' izeneko erakusketari hasiera eman diote gaur Oteiza Museoan. Euskal eskultorearen monografia luze bat argitaratuko dute eta XX. mendeko lengoaia artistikoa berritzen izan zuen papera aztertuko dute.

"1948tik 50eko hamarkada igaro arteko garaiaren zeharkako ibilbidea da" honakoa eta garaiko artista garrantzitsuenekin zuen "erlazioa eta norgehiagoka estetikoa" azaltzen saiatuko dira.

Angel Ferrant edo Eduardo Chillida bezalako artisten 48 lan daude guztira Altzuzako museoan. Hiru atal ditu: atarikoa, bilguneak eta testuingurua. Oteizak bere estetika garatzen duen sinergia testuinguru komuna, forma berritzeko borondate argi batez blaitutako topaketak eta eraginak proiektatzen dira.

Proiektu honen barnean, izen bereko lan bat argitaratuko da, Jorge Oteizak berrogeita hamarreko urteetan garatu zuen jarduera artistikoari buruz Alfonso de la Torrek egin azterketa zabala jasotzen duena bera. Honen osagarri, bi dokumentu eranskin, proiektu honetan dauden artistetako batzuen 11 testu originalez osatu aukeraketa batez eta Oteizak idatzi edo berari bidali hogei bat gutunez, Museoaren Dokumentazio Zentrotik atera baitira.

Indiari buruzko zinema-zikloa Artiumen

Autore zinema, dokumental independienteak eta bideo-sorkuntza izango dira eta Bollywoodeko sorkuntza eta susperraldia aztertuko dute.













Artiumek Indiako autore zinema, dokumental independienteak eta bideo-sorkuntza (1899-2008) zinema eta bideo zikloa aztertuko du. Indiako historiaren, kulturaren, artearen eta gizartearen errepasoa eginez. XIX. mendearen bukaeran, kolonialismoa bete-beteam zegoela zinematografoa sartu zenetik gaur arte. Gaika antolaturiko hamaika programak osatzen dute zikloa, eta horietarako Juan Guardiola zikloaren komisarioak, indiar jatorriko zazpigarren artearen lan adierazgarrienetakoak aukeratu ditu hala britainiarren mende zegoen India nola gaurkoa ezagutzeko aukera emateko.

India, izan ere, gizarte dinamikoenetakoa da, bai kulturaren, bai gizartearen eta baita ekonomiaren arloan ere. Ni eta bestea (Iparra aretoa, otsailaren 7 arte) erakusketarekin loturik dagoen ziklo hau, datorren ostegunean hasiko da, azaroaren 5ean, Juan Guardiolak aurkezpen-hitzaldi bat emango duen doako saio batekin. Gainerako saioen prezioa 2 eurokoa da eta ziklo osorako txartela, 12 eurokoa. Artiumen kide elkartuak doan sartuko dira.

India 1.150 milioi biztanle dituela, lurreko bigarren herrialde jendeztatuena da Txinaren ondoren, eta pelikula ekoizle handiena, alde handiarekin, urtean mila baino gehiago egiten baitira. Aldi berean, iragan kolonialak baldintzatutako herria da eta kontraesanez betea, gizartearen eta kulturaren aldetik oso konplexua, -400 hizkuntza baino gehiago hitz egiten dira bertan eta horietatik 22 ofizialak dira-, potentzia nuklearra, munduko aberatsenen artean bi izen dituen eta biztanleen herena pobretasunaren atalasean bizi duena. Nolanahi dela ere, lurbira osoko gizarte ekonomikoki dinamikoenen artean dago.

Kaixo!!!

Janire Garcia naiz, kazetaritzako 2.mailako ikaslea, Euskal Herriko Unibertsitatean. Blog honetan, Informazioaren T eta Tek. Irrati TB-n ikasgaiari buruzko informazioa jarriko dut. Baita ere ikasgai osoan zehar egingo ditudan lan guztiak ere. Espero dut nire bloga gustuko izatea. Besterik gabe ondo pasa!!